2011年11月3日

11.11.3 - 支持人民力量(filter mode)

註:以下文章經過高登粗口filter過濾。

老老實實,小弟唔講粗口,但係睇到近日區議會啲恩人既表現,真係唔Hi唔得。
人民力量個個主席7up話民主黨單仲偕唔會係密瓜樹選區做嘢,反正佢同黃楚峰都係建制派,寧願要黃楚峰咁話喎
我真係好明白區議會議席係得咁多,爭得一席得一席,爭地盤呢家嘢都係參選人既常情,建制派都同建制派爭地盤啦,何況係民主派同建制派爭地盤!如果坦坦白白講:「人民力量都要生存架,我唔理係民主派定係建制派,總之我係爭緊地盤吖,吹咩!」我真係好相信大部份香港人係會buy呢套架,好肯定冇人會怪人民力量搞事,係咪認咗佢囉。
我仲記得舊年五區公投個陣,民主黨唔肯參加五區公投,仲同阿爺傾政改,搞到好多香港人like佢,只有社民連公民黨仲堅持落去,結果有五十幾萬選民投票。不過,社民連陶君行呢隻羚羊縮沙,於是有人民力量呢個組織出嚟。
但係人民力量真係令我好失望,除咗嗌幾句「票債票償」之外,我真係睇唔到人民力量對民主有乜建樹囉。我好明白爭取民主唔係靠民主黨,而係靠全港幾百萬選民一齊參與,又有好多網友都話支持人民力量,我真係好有興趣睇吓佢地點羚羊壽味。
假若係今個星期日區議會選舉見到人民力量呢班恩人,記得要慰勞吓佢地,講一聲Hi Auntie,呢啲係基本禮貌嚟架!